جرحني يامني عمري حصاد سكينك**خميس الصياد
الجـرح مش خاطر شويه ويـروق
الـجـرح حتـى لـو تشافى يعـلّـك
مساء الجرح يا أجمل جروحي ....يامني قلبي
،،،،،،،فين دنياك؟
بكى وجه المكان اللي تعود طلت جبينك
زوايا حياتي عطرك ...وقلبي يرتجي لقياك
ودفتر يحتضن أحلى الأماني وأجمل سنينك
تغيب ومايغيب بداخلى حبك .. وذكراك
ويكسر هيبتي نفس السؤال واحتضر.. فينك ؟
أسافر عنك وابتعد أعاند حبك وأنساك
وتأخذني الطرق لأقرب عناوينك
وأنام من الألم واصحى على صوتك ولا ألقاك
وألاقي هالزمان اللي وقف مابيني وبينك
وأظل بحيرتي تايه هنا نصفي ونصفي هناك
وأكبر ذنب انا سويته زرعت الروح في طينك
رضيت العيش في صحراء لجل أروي بساتينك
حبيبي كان هو قصدك تحطم عاشق يهواك
وتزرع في ظلوع اللي يحبك نصل سكينك
وهبتك روحي ياعمري وأكيد أن الجسد يفداك
وحاسب قبل لاتطعن .. أخاف تجرح ايدينك
حلاة الموت ياحبى إذا يوصل على يمناك
ترى أجمل شرف أني أموت بطعنة يمينك
ولو طال العمر بكتب أحبك في سما دنياك
ويبقى هالسؤال اللي كسرني للأسف .. فينك ؟؟
أوقات لو تزرع وفاء تحصد جفاء
جرحني يامني عمري حصاد سكينك
خميس الصياد