فـــــــــجــــــــــأة!؟! ؟!؟!؟!؟!؟!؟!؟!؟!؟!؟!؟!؟! ؟!؟!؟!؟



تصحى ريم على صوت رعد قوي وتلقى البلكونه مفتوحة وتقوم من سريرها
وسكرت البلكونه وجلست على الأرض
وظهرها يلامس البلكونه وهي ماسكة قلبها
يدق بسرعة من الخوف : يالله ...الحمد لله انه حلم مو حقيقة
على طول ريم راحت على السرير وقلبها يدق بسرعة من كثر الخوف
وشافت الساعة وكانت 3:30 الفجر
ريم تفتكر" بصوت عالي": لآآآ ماما .. بآبآ
وصارت تجري لغرفتهم ودقت الباب
فتحت أم ريم الباب وشافت بنتها تتنفس بصعوبة: ريم آيش فيكي؟
ريم: ماما انتو بخير؟
ام ريم: احنا بخير انتي آيش فيكي؟
ريم: كان كابوس .. كآبوس..
ورآحت ريم لغرفتها وهيا تكلم نفسهآ وحاولت تـنآم. لين مانامت

الصباح
أم ريم: ريـــم يلآ حبيبتي هذآ آول يوم لك بالجامعة مايصير تتآخري
ريم: طيب ماما
قامت ريم وهي تشوف الغرفة من ..إلى
ومازآلت منصدمة من الحلم
فتحت دولاب الملابس وراحت تلبس وتكشخت
وهي نآزلة من الدرج
سعود: بدري.. يلا افطري بسرعة عشان انا اتأخرت

سعود )اخو ريم الكبير رابعه جامعة شاب فرفوشي رومانسي يمتلك جاذبيه ماهي عند احد ابتسامته ساحره وصته عذاب
كل همه انه يتخرج من الجامعه بأي طريقه
لأنه بيمسك احد معارض ابوه
سعود قمة في الجمال من غير ما يبتسم شفايفو تسحر من غير ما يغمز نظرته تجذب

ريم:خلآص بس شوية
سعود: ترآ اروح وآخليكي
ريم: اقول فكني
سعود بنظرة تكبر: طيب
أم ريم:يلا ريم تعالي افطري
ليآن:كلو ليم ليم ليم مافي ليآن ..ليم يعني ريم بس بلهجة الصغآر هههههه
الكل: هههههههههه
.. ليآن اخت ريم الصغيرة 4 سنين تحب ريم اكثر من امها تعشقها لين ما غارت ام ريم من ريم لحب ليان لها
ريم: يآغيورة
الكل جلس على طاولة الطعام يفطر
سعود: ريم يلا ترى والله مرة أتأخرت بروح للشباب اول بعدين بروح الجامعة
الأم: ياسعود خليها تفطر وتخلص اول
ريم: لا خلاص ماما انا خلصت انا كمان اتأخرت
ريم وسعود وهم طالعين : يلا بآآآي
ليآن: ليـــم
ريم: هلا عمري
ليآن : نثيتي بوثة الثبآح
ريم: اووووه يلا فينهآ
ليآن :اموآآآآآآآآآح الله يخليكي خليني ادي معاكي
ريم: يا حبيبتي والله ما ينفع
سعود: يلا خلصوني ليان روحي عند ماما بسرعة
وصلو عند جامعة ريم
سعود : يلا ياحلوة انزلي عآد هذآ آول يوم لك بالجامعة
ريم وهي ميته رعب: سعود والله خايفة خلاص رجعني البيت
سعود: هيا لعبة ..وبعدين خايفة من آيش ؟. انتي بس راح تلآقي بنآت متوحشآت يرعبوكي
ترآ يتكلمو عن بنات الجامعة مرة مو طيبين
وبالذات جامعتك
ريم بصرآخ : آنآ نآقصتك تولعهآ بدآل ما تطفيهآ
سعود وهو يضحك: يآحرآم اول مرة أشوفك من جد خآيفة..يلا انزلي انتي مورايحة بيت رعب
ريم: طيب ادعيلي
سعود:يآرب تتزوجي وتفكيني من مشوآر الجامعه هههههههه
ريم: طيييييييييب ياسعود وهذا لسة اول يوم
سعود يضحك
ريم: اضحك اضحك آيش عليك انت يلا باي
سعود : بايات انتبهي على نفسك
ريم اول ما دخلت الجامعة وشافت البنآت
طبعآ لأن ريم كانت متكشخة وطالعة قمر وهي من غير شي تجنن جمالها طبيعي جمالها رآيق كل شي فيها نآعم
كانت لآبسة تنورة جنز وبلوزة فوشي واسود
وتاركة شعرها الأسود الطويل اللآمع مفتوح
وحاطة روج فوشي وكحل اسود
وكانت مرة نآعمة جذبت آنظآر البنآت اول ما دخلت
ميرآ: ريـــــــــم وحشتيني
ميرآ من آغلى وآعز وأفضل صديقاتها وتكون لها اكثر من اخت لأن ريم ماعندها اخت غير ليان
ريم: وانتي اكثر ياعمري
ميرآ: ليش اتآخرتي
ريم: والله هذا سعود جالس يتريق عليا
ميرآ اول ما سمعت اسم سعود راحت في عالمه وريم جالسة تقولها كل الي صار وهي مو معاها
ريم: مــيــرآآآآ
ميرآ بفجعه: هآآآ ..آيش؟؟
ريم: لا والله انا متعبة حالي وبقولك ايش الي صار وانتي ولا معايا
ميرآ : لا بس ..
ريم: يلا بس يلا

يتبع

ريم: يلا بس يلا

وفي وقت البريك
ميرآ : انا جوعآنه تبغي اجبلك معايا شيء
ريم:ياريت
ريم سرحآنه في الحلم الي ماغاب عن بالها
ميرآ ترجع: ريم جبت لك كابيتشينو اعرفك تموتي عليها وجبت لك كاروسون
ريم ولا معاها
ميرآ: ريـم..ريييييييييييييم بصوت عالي
ريم: آييييييييش؟؟؟
ميرآ :ريم انتي مو معايا .. ريم انتي فيكي شي انا من اول ماشفتك ماكنتي طبيعيه
ريم: ساكته
ميرآ قربت من ريم: ريم حبيبتي آيش فيكي والله قلقتيني
ريم صارت تبكي
ميرآ حضنتها : ياعمري لآ تبكي
ولأن ميرآ قلبهآ رقيق اول ما تشوف احد يبكي تبكي معاه وصارت تبكي مع ريم من غير ما تعرف ايش فيها
ريم:حلمت حلم مرة يخوف
ميرآ وهي تمسح على شعرهآ: ياعمري كلنا بنحلم..انشاء الله خير
ريم: لالا هالمرةفي ماما وبابا .. وسكتت وصارت تبكي
ميرا: ريم اترجآكي لاتبكي كذا تخليني ابكي معاكي ..كملي آيش صار
ريم: شفتهم وهم كلهم دم وصارت تبكي بصوت عالي لين خلت كل البنات يطالعو فيها
ميرا: ياعمري انتي .. مو كل الأحلآم تتحقق اهدي واحكيلي الحلم من اوله
ريم:قمت من النوم على صوت رعد قوي وكانت البلكونه مفتوحة جريت وسكرتها
وحكتلها الحلم لين وصلت عند الظل الي شافته
ريم: من ظله جذبني ..فتني
حبيت اشوفة بس لما دخل الصاله خفت
رحت لماما وبابا..... وهنا ريم صارت تبكي
ولما فتحت الباب لقيتهم مغطين بالدم" وماقدرت ريم تكمل"
حضنتها ميرا: ياعمري هذا كابوس لا تشيلي في بالك.. يلا كملي
ريم: طلعت على غرفتي ابكي وحاولت انام بس فجأة تنفتح البلكونه بكل نعومه ويدخل هوا بارد
وشفت ذآك الظل مرة ثانية
ولأنه جذبني قلت ابغى اشوفة رغم اني خايفة منو واول ما خرجت للبلكونه
شفت شي بحياتي ماشفته شفت اجمل مافي الكون
شفت شي ما ينوصف
الي شفته كان ملآك

لاتوصيني { احلم } فيك مره
انت حلمي وانا { صاحي } و { نايم }

ميرا: ياعيني ياعيني
ريم:الي شفت ظله شفته على حقيقته
كل ما اقوله شيء يقولي احبك
وبدآ يبتعد عني بس من كثر ماجذبني حسيته مني وفيني
ماكنت ابغاه يبعد عني...بس لما بعد عني قلت له:آحتاجلك لا ضيق الوقت صدري
وقالي: لا تنسيني

مُسّتَحِيِل أَتّخًيَـ لٍ الدِنّيَآا بَلآكٍ ..
أَنـ تٍ لِيِ مَادَامٍ لٍيٍ قَلّبٍ خَفُوٍقْ ..
جًآآكٍ قَلّبِـ يٍ بِالهَوٍى مَلّيَآنٍ جَآاكٍ ..
وِإِجّتِمَـ عٍ حُبَكْ وٍدَمِيِ بِالعُرُوٍقِ


ريم:ورآح وياريته ماراح اول ماراح صرت ابكي ودخلت غرفتي

يتبع

ريم:ورآح وياريته ماراح اول ماراح صرت ابكي ودخلت غرفتي
حسيت بضيق والم
وبعدهآ صحيت
ميرا : الله الله
ريم: ميرا انتي مو فاهمتني آنا خايفة
ميرا: وخايفة من آيش اكيد هذا فارس احلامك
ريم: ميرا انا خايفة يتحقق الحلم
ميرا : طيب وايش يعني إذا إتحقق
ريم: وماما وبابا" وصارت تبكي من جديد"
ريم:ميرا انا اليوم الصباح صحيت على صوت رعد وكانت البلكونه مفتوحة وقمت اجري سكرتها
وكنت خايفة ونفس الي صار في بداية الحلم صارلي حقيقه
يعني الحلم تحققت بدايته
انا خايفة يآميرا انا خايفة
ميرا وهي خايفة ان الحلم من جد يتحقق : حبيبتي اكيد تتخيلي إنشاء الله ما يتحقق شيء
ميرآ:حبيبتي ريم شيلي كل هذا من راسك ويالله قومي معايا
ريم: ماراح تحسي فيني
ميرا : خلينا دحين من هذا ماقلتيلي كيف الجامعة احلى من الثانوي ودوختها صح
ريم وهي تمسح دموعهآ:يعني
ميرا : لا والله مو يعني الا احلى بقووووة
ريم: آكيد راح تعجبك عشان بتآخذي راحتك
..................
ريم وهي تدق على سعود: سلآم
سعود:وعليكم السلام هلا
ريم: خلصت دوام؟؟؟
سعود:مين قال اني حضرت اصلا
ريم: ياويلي انت بتجنني انت مو خايف هذي اخر سنه خلاص
وبعدين يا مفتري هذآ اول يوم
سعود: والله الإجازة كانت نآقصة يوم
ريم: حسبيا الله على ابليسك اقصد اباليسك
سعود: مين اباليسي ؟
ريم: هالشلة الي معاك
سعود: ايوآ والله هذولة اباليس
ريم: يلا يلا تعال بس
سعود: خلاص اوكيه

برا الجامعه
ريم: ميرامع مين بتروحي ؟
ميرا : مع بابا بس مدري ليش ما بيرد عليا
ريم: خلاص مو لازم تعالي معايا سعود يوصلنا
ميرا لما سمعت اسم سعود تنحت :هـآ

..[ مليت من كثر السؤال : مشتاق لعيونك تعال
لا جيتني كل الوفا و اللي هجرني لك يعود
و الدنيا تضحك لي وفا و انسى معك كل الوجود ..!

يتبع

ريم: آيش هآآ بقولك تعالي معانا
ميرا في نفسهآ: انا لما اسمع اسمه مدري ايش يصير فيني لو شفته ممكن تجيني سكته قلبيه
ريم: ياحلووووو
ميرا: لالا خلاص بدر دحين يرد
ريم: يلا عآد تعالي عشان تفكيني شوية من لسان سعود
ميرا: طيب وبدر ..
قطعت ريم كلام ميرا: شوفي سعود جآ يلا تعالي
ريم:سلام سعود
سعود: هلا يلا بس اركبي خليني افتك من هالزحمة
ريم: طيب في ضيفة بتجي معايا البيت توصلها
سعود: من غير ما تشوريني هياتركب من غير موافقتي
سمعت ميراكلام سعود وابتسمت
ريم: طيب يالمغزلجي البنت هنا لا تسمعك
سعود: ريم لو كانت حلوة خليها تجي ولو كانت .. لا تجي
ريم: حسبيا الله على ابليسك
ريم: ميرا يلا تعآلي
سعود لما سمع اسم ميرا حس بشي غريب بس طنش

عندي شعور بحيرتي..
وتغلبتي مره وحدتي..
ودي اجي مثل الطفل احضنك..
وانسى دنيتي..

ريم تكلم سعود: سعود آيش فيك مو على بعضك فيك شي؟
سعود من اول ما سمع اسم ميرا وهو ما يدري شو صار فيه
سعود: هآ .. لآ.. آنتي ايش فيكي عليا اليوم؟
ريم: لاانامافيني شي
سعود يوقف سيارته: وهذا البيت يلا انزلو
ريم: يلا ميرا
ريم:ميرا آيش فيكي؟
ميرا: نعم .. لالا بس .. احنا فين؟
سعود : ههههههههههه
ريم وهي تطالع في سعود بحقد يعني اسكت
سعود : اوكي
ميرا: معليش سرحت
سعود: لا ولا يهمك
ريم بإبتسامة:طيب يلا تفضلي
ميرا وهي منحرجه من الي صار: طيب ريم عمري لوابوكي بالبيت
ريم: لالا بالشغل
وجلست ريم وميرا طول اليوم مع بعض

سعود بعد ماخلص دشره وجا بالليل يبغى ينام
وهو حاط راسه ع المخده والنور خافت

بْديتْ أغليْكَ وأشْتآق لْحضْورْكَ وْأكرْه غيْآبْكَ
بْديْت أحْسْ أنْآ صْوبْكَ شْعوْر يْهزْ وْجدآنْيْ
أحسْ أنكْ ( أْملُْ رُْوحُْيُْ ) وْرَوْحيْ تسْكَنْ أهْدآبْكَ
أحسْ أنْيَ مْعكَ بْنسْىَ هْليْ وربْعيْ و خلآنْيَ ..
أحسْ الْحبَ مْنثْورْة عبآرْآتْه عْلىْ / بْآبْكَ
أحسْ أنْكَ بتسْعدَنيْ وتْآخذْنيْ مْن أحْزآنيْ ..
تْعآلْ وخلْنيْ أنقْشَ حرْوفْ ( الشْوقَ ) بْ ثيْآبْكَ
تعْآلْ أعْزفْ عْلىْ أوْتآرْ آل سْعآدهْ أعذبْ ألحآْنيْ .. !


جات على باله ميرا
سعود يقول في نفسه:انا عمري كانت محترم مافي بنت ماطالعت فيها وفصلتها تفصيل
شمعنى لما سمعت اسمها وشفتها حسيت بـ ... وسكت
ليش ماحاولت اشوفها .آيش الي معني؟؟
وآيش معنى هذآ الأحسآس.. لآيكون....وسكت

في غرفة ريم

ريم وهي تمشط شعرهآ
ياربي ممكن الحلم يتحقق
ممكن يكون كلآم ميرا صح واكون اتوهم
يارب يكون اتوهم وما يتحقق الحلم
بس لو يتحقق واشوف الي شفته في الحلم
كان اجمل شاب شفته بحياتي
آآخ لو يكون موجود بالدنيا واقابله
ريم تبتسم :آآآآه

في الصبآح
في السيارة
سعود: ريم
ريم: هلآ
سعود: ريم آ آ آ
ريم: سعود آيش فيك تبغى تقول شي؟
سعود: لالا خلاص
ريم: سعود
سعود: نعم
ريم: يعني ما اعرفك آيش فيك؟
سعود: لا بس حبيت اسألك. كيف حال ميرا؟
ريم: ياربي الفيلم الهندي الي سويته عشان تقول كيف حال ميرا
سعود : رييييييم هوآ مجرد سؤآل
ريم:لا ميرا مآآآآآآآآآآآره تمآم
سعود يطالع في ريم وهومنحرج عشان حس ان ريم حست انو في شي

ع الغدآ
أم سعود: يلا حبايبي الغدآ
جآت ليآن جري : يآثلآآآآآآم رآح نآكل
ابو سعود: حبيبتي انتي يخليكي
سعود: لالا مااقدر على كده
ام سعود:: هذي حبيبة الكل فديتك
اابو سعود: والحبيبة الكبيرة فين؟
اام سعود: والله مدري لا يكون نايمة .. ياقلبي شكلها تعبت اليوم خليني اروح اصحيها
سعود: لا أمي أنا بروح اصحيها اتغدي انتي

سعود وهو يدق الباب: روووووووووووووووومي يلا الغدآ
ريم: آآآآآآآآه
سعود: وهو مستغرب
يدق الباب مرة ثانية: روووووووووووومي يابنت
ريم بصوت نآآآآعم: آآآآآآآآآآه
سعود: حس ان ريم فيها شي فتح الباب بقوووة ولقى ريم طايحة بالأرض
سعود: ريم... ريم ياعمري آيش فيك ريييييييييييييم ريم قومي
شالها سعود وقام يجري بالدرج
ام سعود: آيش فيه سعود اتأخر؟
ليآن شافت سعود وهو شايل ريم
ليآن شهقت: ماما ليم آيش فيهآ؟
ام سعود: بنتي .. سعود ريم ايش فيهآ؟
سعود: مادري لقيتها طايحة بروح اوديها المستشفى
ابو سعود: سعود بسرعة يلا خلينا نوديها

في المستشفى

يتبع

في المستشفى
لما طلع الدكتور
الأم والدموع بعيونها: طمني بنتي آيش فيهآ
الدكتور: تطمني بنتك مافيها شي بس لأنها كانت مشغولة بشي متعبها او زعلت من شي يعني كانت تفكر بشي مو مخليها مرتاحة
ولأن جسمها ضعيف ماتحمل كل هالتعب لأنها يمكن تكون مانعة نفسها من الأكل
ام سعود: معقولة ريم يكون بالها مشغول بشي وما قالت لي
ابو سعود: المهم انا ارتحنآ وطلع مافيها شي
سعود: الحمد لله خوفتني عليها
ام سعود: طيب دكتور اقدر اشوفها
الدكتور : تقدري تشوفيها

دخلت الأم عند ريم: سلآمتك حبيبتي
ريم: الله يسلمك ماما
الأم وهي تحضن ريم وتبكي: خفت عليكي كنتي رآح توقفي قلبي
ريم: ماما لا تبكي ما احب اشوف دموعك وانا السبب انا مافيني شي
ابو سعود: الحمد لله على سلامة حبيبتي
ريم: الله يسلمك بابا
ليآن: ودع في شكلك احثبك متي.. يعني لو متي آنآ آنآم جمب مين
ام سعود:: ليون لا تفاولي على اختك
سعود: تصدقي ياريم
ريم: شو؟
سعود: كسّرتيلي ظهري لما شلتك وجبتك هنا
ريم: لا والله يعني كل الي يهمك ظهرك
سعود : لا مو هذا الي يهمني اناالي يهمني الغدآ
ماخليتينا نتغدآ وربي جوعآآآن
الكل يضحك
ريم: لا بالله طيب روح عن وجهي ولا تكلمني
سعود: الله الله اشوف زعلنآ
ليآن: هيييي انت ثعود وخر عن ليم حبيبتي ليش دعلتها
سعود: اقول روحي انطقي اسمي صح اول شي بعدين تعالي وعاتبيني
الكل يضحك
ريم: حرآم عليك زعلتها
سعود: اشوف انا جالس وبزعل كل الي حولي
ابو سعود: .. تربيتي هههههههههه

في البيت
كانت ريم تاخذ دش والكل بالصالة
ام سعود: تتوقعو آيش الي شاغل ريم
سعود: معقولة يكون الجامعة والتغيير الي صار لحياتها
ام سعود: ما اتوقع؟
ابو سعود: ليش ما تتوقعي انتي عارفة ان ريم مرررة حسآسة من هذي الناحية
وغير كدآ انها فقدت كثير من صاحباتها لما دخلت الجامعة
سعود: انتي فاكرة ايش صارلها لما نقلت من المتوسطة للثانوي وفقدت اعز صاحباتها
ام سعود: بس ماقد وصلت للمستشفى
ابو سعود: لا تشغلي بالك
سعود: طيب ليش ما تسأليها؟
اام سعود: بستناها هيا تجي وتقولي ولو طولت انا اروحلها
الساعة 3 الفجر
سعود كان صاحي وكان خايف على ريم وآيش الي شاغل بالها
وقال في نفسه خليني اشوفها لوكانت صاحية بكلمها
راح لغرفتها وفتح الباب بشويش
ريم كانت نآيمة وبحضنها ليان
قرب سعود منها ولأن ريم نومها حساس قامت منفجعة
سعود: نامي نامي كنت بتطمن عليكي
ريم: انا بخير انت ليش ما نمت؟
سعود: ماعليك نامي
وهو طالع ريم نادته: سعود
سعود: هلا
ريم: سعود كنت تبغى شي؟
سعود: لا خلاص الصبآح انشاء الله
ريم: سعووود انت تعرف انا ما اقدر اصبر
سعود:عارفك والله
ريم: يلآآآآآ
سعود: طيب خلاص
ريم: طيب خلينا برآ بالصالة عشان ليان ما تصحى بالقووة نومتها
ياقلبي تقولي اخاف انتي تروحي المستشفى تاني
سعود يبتسم : يسعدهآ
ريم بعد ما طلعت من الغرفة وراحو للصاله الي فوق: هآ آيش بتقول؟
سعود:ريم انتي عارفة انو الي صارلك اليوم من ايش؟
ريم: إيوآ لأني ما فطرت كمان انت راح تعطيني نصايح زي ماما وبابا
سعود: لا انا موضوعي مررة مختلف
الي صارلك اليوم كان من التفكير وان بالك كان مشغول بشي مزعلك
ريم انتي عارفة قد آيش آنآ آحبك واخاف عليك
انتي في آيش تفكري؟
ريم: طيب شوية شوية عليا انا مو قادرة استوعب
سعود:ريم.. أمي مررة زعلآنه منك لأنك ماقلتي لها على الي ببالك
ريم: سعود أنا... وسكتت
سعود: ريم .. ريم آيش فيك؟
ريم صارت تدمع لأنها اتذكرت الحلم وقالت لسعود على الحلم بس ماقالت له على الرجال الي شافته
سعود: هههههه دحين هذا الي شاغل بالك
ريم: سعود لا تضحك وتاخذ الموضوع لعب او مجرد خرافة
لعلمك ترى يوم ماقمت من النوم صارلي نفس الي صار باول الحلم
سعود: سكت وقال في نفسة
معقولة ..؟؟َ!!!
ريم وهي تبكي: لا تسكت قولي انه مستحيل يصير اقنعني انه هو مجرد حلم وبنساه
سعود:ريم صدقيني بتتوهمي وبعدين انتي مرة حساسة
ريم: سعود انا بلا ماما وبابا ما اعيش مااعيش
وصارت ريم تبكي
سعود يحضن ريم: ريم لا تقولي كذآ انشاء الله بيعيشو معانا طول العمر
ريم: انشاء الله
سعود: يلا ريم روحي نامي بس قبل لا تنامي ابغاكي توعديني انك ما تفكري بهذا الموضوع نهائيا ..اوكي
ريم: مااقدر ماقدر
سعود: إلاّ تقدري.. يلا اوعديني
ريم: خلاص اوكي
ورآحت ريم نامت وبحضنهآ ليآن
سعود بغرفته وهو على سريره وحاط راسه ع المخده
سعود: معقولة حلم ريم بيتحقق.. انا آيش بسوي بلا امي وابويآ
لآلآ انا بخرف صرت زي ريم
الظهر بعد الغدآ
الأم: ريم... حبيبتي ريم
ريم: جآيآ ماما
الأم: ريم جهزي نفسك الليله عندنا عزيمة
ريم: ليش على فين انشاء الله؟
الأم: رايحين عند خالتك عازمتنا ع العشآ
ريم: أممممممممم

مم اوكي

يتبع

لأن ريم تحب الشياكه وما تحب تظر للناس بأي شي
طلعت على غرفته وفتحت دولا ملابسها تدور آيش تلبس
ريم وهي غايصة في دولا ب الملابس: يووووووووووووه مو لاقية شي ألبسه
كلو لبسته مافي شي جديد

بعد صلآة العشآء

ام سعود: سعووود انت مالبست يلا لا تأخرنا
سعود: خلاص رايح البس
ام سعود: ريم حبيبتي تعالي لبسي ليان خليني اخلص من اشغالي
ريم وهي بالغرفة: ليان حبيبتي تعالي غرفتي
ريم كانت لآبسة بنطلون برمودآ جينز وبلوزة حمرآ تيشيرت وكعب احمر ومسيحه شعرها
ابو سعود: يلا خلصونا ترآ تأخرنا
ام سعود: والله هذولة عيالك انا جاهزة
ابوسعود:سعود .. ريم.. ليان يلا
سعود: انا كمان خلصت باقي بناتكم
ريم ومعاها ليان: احنا خلصنا يلا

هل حلم ريم بيتحقق؟؟
وايش الي بيصير لريم؟؟
ممكن ريم تحب؟؟
ولو حبت ايش بيصير لها؟؟
مرهفه المحبه
10-15-2011, 02:39 AM
(!@#$%^&*!@#$%^&*) احتاجلك اذا ضيق الوقت صدري (!@#$%^&*!@#$%^&*)

البارت الثاني

^ ـــــــ*

قبل لا يطلعو من البيت
سعود: أمي ليش خالتي عازمتنا اليوم
ام سعود: والله انت تعرف خالتك ماتحب نغيب عنها اكثر من اسبوع تحب الجمعه
ريم: يخليها لنا انشاء الله هيا وبنتها نوف
ليان: وولدها ريآن
سعود: بنت .. اتركي الولد لحاله
ريم: هذا الي ناقص حب صغآر
أم سعود: ياقلبي على بنتي تسأل على ولد خالتها
ابو سعود: خلوها آيش فيها لو تسأل عليه عآآدي
سعود بإستهبال: لآلآ عييييب ما يصير
ليآن: ثعود انت تثكت وما تتكلم
سعود: انا صرت مسخرة عند العيلة
الكل يضحك

ولما وصلو لبيت خالتهم رنا
نوف: هلا والله نورتو البيت اصلا جدة كلها منورة

نوف بنت خالة ريم وتصير لريم اكثر من اخت عمرها 19باولى جامعة شخصيه مرحه تحب التجمعات
تحب اهلها وبالأخص ريم
شخصيه نوف شخصيه رايقه وتحب كل شي رايق
كل الي تبغاه الدشرة والفلة .. مررة نعومة وما تحب العفاشة
ملامحها ناعمه ورايقه عيونها عسليه شعرها ناعم وكثيف ولونه بني

ريم: ياعمري انتي النور نورك.. كيفك؟
نوف:انا تمام انتي كيفك ؟وكيفك خالة رانيا؟
الخالة:انا بخير الله يسلمك .. فين رنا ؟
نوف : ماما في المطبخ دحين اناديها انتو تفضلو
الخالة رنا:اهلا اهلا
الخالة رانيا ام ريم: اهلا بيكي
رنا:كيفكم؟
ريم والأم: تمام الحمد لله
الخالةرنا: والله مابغينا نشوفكم اسبوع ولا تسألو
ريم:والله ياخالتي انا ما دخلني عندك ماما
الخالة رانيا ام ريم:إيوآ أرميها عليا
الكل يضحك
نوف: ريم تعالي شوية ابغاكي
الخالةرنا: ماكملتو دقيقة طيب اجلسو شوية
نوف : يوووو ياماما في اشياء كثير ماقلتها لريم وتاخذ وقت
ريم: لالالا مادام الشغلة كذآ بسرعة يلا
الخالة رانيا:عاد انتو ماتصدقو تتقابلو

في غرفة نوف

نوف:وآآي ريم فآآآتك
ريم: خييير آيش صآير؟
نوف وهي ماسكة راسها ورمت حالها على ريم: يجنن ياريم يجنن
ريم: مين ؟؟
نوف:بدر
ريم: بدر مين؟
نوف: اسمعي

ماني على كثر المشاغل
بنساكم؟؟؟
صدقوني ما انسى من تودهم
عيوني ....
اظما لشوفتكم واتسلى بطاريكم....
واروي عروقي من مطر ذكرياتكم....


البآرح كنت في روشان مول مع البنات
وانا مآشية دقني في كتفي بقوة من غير قصد وطآح جوآلي نزلت اجيبة طبعا بعد ما تفشفش
نزل معايا طالع بعيني وطالعت بعينه وآآآآآه يجنن ياريم

}س}سحرني بالعيون السود عيون سود جتاله


ريم: آها وبعدين؟
نوف وهي طايرة من الفرح وتدور بالغرفة:بعد ماخرب جوالي جلس يعتذر ويتأسف
وبعدين اشترالي جوال جديد
ريم: إيوآ قولي كذآ انو الجوال هو الي عاجبك في الموضوع
نوف بدلع: رييييييييم انا كلمك على بدر مو الجوال
ريم: وآيش الي يخليكي متأكدة انو ماكان قاصد روميو الضربة الي ضربك هيا
نوف: لا مو قاصدها اكيد مو قاصدها .. احساسي يقول
ريم بأستهزآء: لا والله ياقلبي عليكي
نوف بجديّة: بس ياريم وربي سكن قلبي مافارق بالي بس اتمنى اشوفة تاني
ريم: وانتي آيش درآك بإسمه بالله
نوف: تخيلي بعد ما انكسر جوالي ومشيت راح جاب جوال ثاني ولحقني
واجبرني اني آخذه وكان مكتوب على كرتون الجوال

آنآ آسف على الي صآر بس صدقيني يآحلوة ماكان قصدي
وعشان اثبت لك هذى لك
بـــدر

نوف: آآآآآآه ولا ادري فين ارضه
ريم: تلقيه وآحد من هذولة الشباب الي يلعبو وبتغزلو بالبنات
نوف: صدقيني لا مو مو كذآ
ريم: وآيش الي يخليكي متأكده؟
نوف: لو كان زي ماقلتي كان على الأقل انه كتب رقم جوالة او ايميله على الكرتون زي ما كتب اسمه
هذا لوكان قصده التعارف
ريم: ممكن
نوف وهي حاضنه كرتون الجوالك آآآآآه لو اشوفك تاني
خلينا من بدر انتي آيش عندك حاسة انه عندك شي صح؟
ريم: هآ.. لالا مافي شي عادي كل شي تمام
نوف: ريم.. مشكلتك انك ماتعرفي تكذبي
ريم اتذكرت الحلم
ريم بحزن وبألم: آآآه يانوف لو تدري عن حالتي
نوف: ريم آيش فيك؟
ريم وهي تندمع قالت لنوف الحلم وانه اتحقق بدايته
نوف وهي تحضن ريم: ريم حبيبتي انتي تتوهمي
ريم بصرآآخ: بس .خلآآص .. كلكم تقولولي تتوهمي كل ما قلت لأحد يقولي تتوهمي
انا ما اتوهم هذي حقيقة
نوف: ريم وطّي صوتك لا يسمعونا
ريم.. لا تخاذي على هذا الحلم
اعتبريه حلم عادي وراح تنسيه
ريم:ياريت اقدر نوف الله يخليكي غيري الموضوع
نوف: من عيوني .. خلاص اوكي
ريم:ماعندك شي تحطينه.. ولا اقول شغلي الجهاز خليني ادخل مسن
نوف: اوكي
دخلت ريم ع الماسنجر ولقت ميرا متصلة
ريم: نوف ميرا موجوده
نوف: ياعمري وحشتني الدووبة كلميها كلميها
 

يتبع

،،الدنيا حلوآ وآحلى مافيها ,,أحساس الحب مع فارس آحلامي,,
ميرو حبيبي وحشتيني يادوبة

تفداكـ’’الروحـ’’ياروحـ,, الروحـ,,؟
ميمو ياعمري وانتي اكثر

نوف: دحين عشان اليوم خميس وما شفتو بعض وحشتيني وانتي آكثر
ريم: اقول اسكتي

،،الدنيا حلوآ وآحلى مافيها ,,أحساس الحب مع فارس آحلامي,,
ميراتخيلي انا عند مين

تفداكـ’’الروحـ’’ياروحـ,, الروحـ,,؟
مممممممممممممممممم
اكيد عند خالتك رنا مالك غيرها بجده كلها

،،الدنيا حلوآ وآحلى مافيها ,,أحساس الحب مع فارس آحلامي,,
آها ونوف جمبي كمان

تفداكـ’’الروحـ’’ياروحـ,, الروحـ,,؟
ياعمري مآآآآآآآآآآآآرة وحشتيني
نوف: خليني اكلمها

الدنيا حلوآ وآحلى مافيها ,,أحساس الحب مع فارس آحلامي,,
ميرامعك نوف

تفداكـ’’الروحـ’’ياروحـ,, الروحـ,,؟
هلا نونآ كيفك؟

،،الدنيا حلوآ وآحلى مافيها ,,أحساس الحب مع فارس آحلامي,,
بخير الله يسلمك انتي كيفك؟

تفداكـ’’الروحـ’’ياروحـ,, الروحـ,,؟

انا تمام حياتي
فااتك موقف ياعسل لازم تعرفيه

تفداكـ’’الروحـ’’ياروحـ,, الروحـ,,؟
ايش؟

،،الدنيا حلوآ وآحلى مافيها ,,أحساس الحب مع فارس آحلامي,,
لا لما تجيني اقولك ماينفع هنا ع المسن

في الصآلة
رنا: رانيا احس فيكي شي انتي مو طبيعية
رآنيا: ريم يارنا ريم
رنا:آيش فيهآ ريم
رانيآ: قبل كم يوم طاحت علينا ووديناها المستشفى
رنا: يالله! وخيير آيش طلع
وقالت لها كل الي صار
رنا: طيب ما حاولتي تعرفي ايش الي شاغلها؟
رانيا: لا والله
تدخل ريم ونوف:هاي
الخالات:اعوذ بالله من هاي هذي
ريم ونوف يطالعو في بعض ويضحكو
ريم:انتو الحريم كذا ماتحبو التطورات
رانيا ام سعود تضرب ريم على كتفها:لا والله
رنا:خليناهالجيلكم حبيبتي
نوف:انتو موقدها ماتنفع لكم مره ماتليق
ريم ونوف يضحكو
ريم: تصدقو مشتاقه لمين؟
الكل:مين
ريم:رولآ ياحياتي والله زمان عنها
نوف:من جد لها كم يوم لا حس ولا خبر
الخاله رانيا:كلمتني قبل يومين ونسيت اقولكم تسلم عليكم
الخاله رنا: والله حتى انا كلمتني ونسيت اقولكم
ريم: ماما وخاله صارو عجايز مابقى الا ينسو انهم خلفونا
الكل يضحك

في مجلس الرجال
ابومازن: ها ايش رايك يابو سعود لو نروح الأربعاء الجاية المدينه؟

ابو مازن ابو نوف وزوج رنا 35 سنة رجل اعمال

ابو سعود: والله فكرة حلوة ولي عنها فترة مانروحها
سعود يكلم نفسه: يافكارك يابو مازن دحين انا اعرف كيف اطلع وارجع برآحتي
مآزن يأشر على سعود: هيييي يابو الشبآب فين رحت؟

مازن 23سنه مدير احد شركات ابوه ينتظر بنت الحلال الي تناسبة انسان نظامي
يحب عمله يعشق الصيد ويحب كل شي يكون بوقته انسان جآد ما يحب اللعب
جذاب لأبعد حد نظرته ذباحه ولسانه عسل

سعود:هآ.. لا بس كنت ..
مآزن: تجنن وانت تربط بالكلام ومو عارف ايش تقول اقول تعال بس
سعود:على فين؟
مآزن:انت تعال وبس
سعود:اوكي

في غرفة نوف

ريم: نوف ..؟
نوف:هلا
ريم: نوف تصدقي ان هذا الي شفته بالحلم كان انسان غريب
نوف بإبتسامة: غريب.! غريب من آي نوع
ريم: نووووف انا اتكلم من جد
نوف: وانا كمان اتكلم من جد كيف يعني غريب؟

(طبيعي لو يحسدوني
وعادي لو يعذلوني
تدري ليه غيرتهم
لأنك ماخذ عيوني)

ريم بعد لحظة صمت: مآدري بس احس.. احس فيه شي..يعني
نوف بنظرة جآدة: ريييم آيش بتقولي بالظبط؟
ريم:بصرآحة لو افضل من هاللحظة لأخر لحظة بحياتي بقول ان بحيآتي ماشفت ولا بشوف في حلاته صدقيني مايكفي...نوف..نوف عيونو ذبآآآآآآحة...نوف لما ابتسم حسيت وقتها اني من جد بحلم مو حقيقية
ولما قالي...؟!
وقفت ريم وراحت قدام المرآيآ واسنتشقت ولما قالي احبك
حسيت اني بطير
نوف: انا الي بطير.. انتي بتجننيني
ريم وهي تحضن المخدة وبكل برود: ليش؟
نوف:حسستيني انه فلم هندي
ريم: وجــع
نوف: ههههههه لا من جد كنك تتكلمي على واحد شفتيه حقيقة
ريم: صدقيني لو شفتيه بتنطقي مكانك ولا عاد تتحركي
نوف: لهذي الدرجة
ريم تهز راسها وتبتسم

يتبع

برآ البيت
مآزن: طلعت في راسي فكرة ولا احلى
سعود: خييير يامقرف افكارك
مآزن: كذآ.. هذآ وانا افكر آخذك معايآ طيب
سعود:ههههههه لا والله ماقصد كنت امزح
مآزن:رحلة صيد .. نطلع لنش
سعود: يأفكارك طالع لأبوك وربي شي جنان
مآزن: خلاص قول لكل الشباب يجهزو نفسهم للرحلة وكل شي عليا
يرن جوال مآزن: مرحبآ
ام مازن: يآولد فينك انت وسعود هذا وقته تطلعو يلا يابابا العشا
مآزن: لا حووول امي طيب خليني اتكلم ماشاء الله عليكي سألتي وعاتبتي
وهزأتي وقلتي يلا كمان وانا ما تكلمت
ام مازن:هههههههه يلا يلا بس
سعود: هذولة الحريم كذا
مازن: إيوآ والله يلا بس خلينا نرجع لا يروحو ينفجرو علينا

على العشآ

الكل جالس على الطاوله
ريم: ماما فين ليان؟
ام سعود: البنت فين؟
نوف: حتى ريآن مو موجود
ام سعود:وفين راحو؟
سعود: هع روميو وجلييت
ريم : سعود ايش تقصد؟
مآزن: معقول مافي احد عارف.. الإثنين مو موجودين والإثنين يستلطفو بعض
ما يحتاج اشرح
ريم: اهآآآآ .. قصدك تقول عايشين جو رومنسي مع بعض
الكل يضحك
ريم ونوف: خلينا نروح نشوفهم فين
سعود يطالع في مازن:تفكر في الي انا افكر فيه؟
مآزن يهز راسه يعني ايوا
وقامو سعود ومازن ورآ ريم ونوف يدورو ليان وريان
ولقوهم بالحوش الخلفي للفيلا جالسين على المرجيحة ويتكلمو
ريم تغني: وعلشان احنا مع بعضينا ولأول مرة لوحدينا
نوف:يانعيش مع بعض حبيبي يا نموت احنا الإتنين
ريم ونوف :هههههههههههه
سعود:عنتر وعبلة
مآزن: توم وجيري
ريم ونوف وسعود ومازن ههههههههههههه
ليآن وقفت وشقهت: ثعوود
ريآن بخوف: والله هيا الي جات انا ماقلت لها
ليآن عشان تبرر نفسهآ مسكت قلبهآ: آه قلبي بموووت
الكل يضحك
سعود: يلا انت وهيا العشا

وبعد ما انتهت الليله وعيلة ابو سعود رجعو لبيتهم

في الصبآح في جامعة ريم

في البريك
ريم:ميرا
ميرا: هلا
ريم: نفسي آحب واتحب
ميرا بإبتسامة: ياعيني
ريم: طول عمري احلم بفارس احلآمي وانه يكون افضل رجل بالعالم
صاحب قلب حنون ويغنيني عن العالم
ويكون رومنسي صاحب جو
يحسسني بإني مالكة الدنيا ومافيها
وأحس وانا معاه كني في السما مو على الأرض
يسكني عالمه
ويذوقني طعم الحب
واحس الوقت معاه يجري
ويسمعني احلى كلام
يعوضني عن كل يوم عشته بدونه
ويصير هوآ كل حياتي وعمري وروحي
ولو غاب عني احس الدنيا ما تسوى اعيشها لحظة
والأهم من كل الي قلته
انه يحبني
واكون اغلى من عيونه
واصير انا دنيتة
لو غبت عنه مايسوى يعيش بدوني
يعشقني .يعشقني عشق جنون
ميرا: رييييييييييم اصحي شكللك لسة نايمة وبتحلمي
ريم:وهوآ الحب صآر حلم
ميرا : انا ما اقصد الحب ..انا اقصد القصيدة الي كتبتيها
ريم بدلع: مييييييييييرا اذا ماقلت لك على الي بخاطري اقول لمين؟
ميرا:ياحياتي انتي.. ومين فينا ما تبغى تحب وتتحب ..آآآآآه من الحب

في بيت أبو مآزن

ابو مآزن: ها رنا فكرتي في الموضوع
رنآ أم مآزن: آي موضوع
ابو مازن: سفرتنا على المدينه الأربعاء
أم مازن: إيوآ خلآص كلمت رانيا وقلت لها
ابو مازن: اجل خلاص جهزو نفسكم الأربعآء
أم مآزن: بس تعآل
ابو مازن: هلا
ام مازن:مآزن مو جآي معانا
ابو مازن: ليش؟ مو عادته؟
ام مازن:عشان سعود كمان مو جآي وبيجلس معاه مازن
ابو مازن: يصير خير
ام مازن: إيوآ ونوف كمآن مو جاية
ابو سعود: يعني انا وانتي لوحدنا بنروح
ام مازن: لا معنا ريآن
ابو مازن يبتسم: وآكيد السنيورة بنتي مو رآيحة عشان السندريلا ريم مو رآيحة
ام مآزن تبتسم: عرفتها وهي طايرة
ابو مآزن : يصير خير
ويطلع ابو مازن لغرفته يرتاح

مآزن يدخل: مسآ الغلا والحلآ ويآهلا
مسآ معطر بالجوري
لأحلى روري
ام مازن تضربه على يده: ولد كم مرة قلت لك انا امك يعني لا تقولي روري
مآزن: امي ادلعك مافيها شي.. اقول امي قلتي بأيويآ على يوم الأربعآء
أم مآزن: إيوآ ومآقآل شي
مآزن يكلم نفسه: آجل خلآص اجهز اللّنش
ام مآزن: نعم نعم آي لنش
مآزن يضرب راسه: أوه سمعتني
أمي لا مو لنش انا اقول نفسي في لنشن
ام مازن: تكذب عليا لنشن هآ
مآزن حابس الضحكه: جوعان أمي
ماعندكم غدآ
ام مآزن: غير الموضوع غيره
مآزن يضحك

في غرفة نوف
يرن تلفون نوف المتصل ريم
نوف:يآعمري انتي فديتك
ريم: كيفك يآدووبة؟
نوف: تمآم يالرشيقة
ريم بضحكة بآردة: غصبآ عنك
اقول عندي لك طلعة يوم الخميس
بس قبل يوم الخميس يوم الأربعاء انا وانتي بنروح لميرا في بيتها
نوف: اقول انتي رتبتي طلعاتك وما شاورتي اهلك اعرفك تقوليلي وتوهميني وبالآخر ما يوافقو
ريم: انتي اسمعي اول .. اكمل طيب
نوف: اتفضلي ياسمو الأميرة آسفة ع المقاطعة
ريم: سمو الأميرة ريم فكرت بانكم انتي وميرا
تتكرمو تجو توصلوها اقصد تجو معاها يعني لردسي مول
نوف: أمرك مولآتي
ريم: احضري العبيد لجلب الشنط
نوف: آي شنط انتي كمان؟
ريم: مدري بس جات على بالي كذآ
نوف: والله انك خرفتي
ريم ونوف :ههههههههههه
يدق بآب غرفة نوف
نوف: ريم لحظة اشوف مين على الباب
ريم: لحظآت ياحلوة
نوف: ميييييييييين؟؟ . ما يحتآج هذي دقة مآزن
مآزن: اكيد بتكلمي ريم ولا ماكان طولتي في فتح الباب
نوف وهي تفتح الباب: إيوآ وإيش عندك؟
مآزن: لا ماعندي شي بس حبيت ازعجك
نوف: من جد مليغ
مآزن يتلفت حوله: نوف آيش يعني مليغ؟
نوف: وكمان ما تعرف عشتو
مآزن : اقول .. انا جاي اقولك أبويآ وافق على جلستنا
نوف بفرح: من جد "وضمته"خليني اقول لريم
نوف: ريم بابا وآفق إني اجلس ومااروح معاهم للمدينه
ريم: طيب شي حلو
مآزن: اقول اختي العزيزة
نوف: اوووف . خييير آيش تبآ؟
مآزن: سلميلي على ريم
نوف: وانت إشلك بيها؟
مآزن يبتسم: بنت خالتي وبسلم عليها
نوف: اها خلاص روح وخذ الباب ورآك
مآزن: اوووف طردة مآشي مآشي
نوف: إيوآ أمشي

يتبع